Önəmli

Spikerlə deputat yanan binaya görə mübahisə etdi

Spikerlə deputat yanan binaya görə mübahisə etdiMilli Məclisin bu gün keçirilən iclasında spiker Oqtay Əsədovla millət vəkili Sabir Rüstəmxanlı arasında gərgin anlar yaşanıb.

Buna səbəb millət vəkilinin bugünkü iclasda Binəqədi rayonunda baş vermiş yanğınla bağlı müzakirələrin açılması yönündə səsləndirdiyi fikirlər olub: “Binaların üzlənməsinə bu qədər vəsait xərclənib. Nəticədə binalar yararsız materialla üzlənib. Sonra da camaatı odun içinə atıblar. Başqa məsələlərdə müzakirə üçün yarım saat vaxt ayırırsınız. Niyə bu yanğın hadisəsi Milli Məclisdə müzakirə olunmasın? Sabah da deyəcəklər ki, deputatlar da bu işin içindədirlər, ona görə də heç nə danışmırlar. Kimin sözü varsa, bu mövzuda danışmalıdır”.

Çıxışdan sonra millət vəkilinə spikerin cavabı belə olub: “Siz hər dəfə Məclis başlayanda bu cür təpki verirsiniz. Mən təklif etdim ki, danışmaq üçün kimin sözü var, amma heç kim təkid etmədi”.

S. Rüstəmxanlı da spikerə yerindən sərt tonda cavab verib: “Mən danışmaq üşün təkid etdim. Yalan danışmayın” .

Bu sözlər isə spikerlə millət vəkili arasında gərginliyin artmasına səbəb olub.

“Mən sizinlə mədəniyyətlə danışıram. Yalanı da siz danışırsınız. Siz yazıçısınız, mən sizə hörmət edirəm. Mətbuat nümayəndələrinə özünüzü göstərmək nəyə lazımdır ki? Hamı hamını yaxşı tanıyır”- deyə, spiker millət vəkilinə cavab verib.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button