Önəmli

Özünü Prezident Administrasiyası qarşısında yandırmaq istədi

Özünü Prezident Administrasiyası qarşısında yandırmaq istədiAvqustun 17-də bir qadın Prezident Administrasiyasının binası qarşısında üzərinə benzin tökərək özünü yandırmağa cəhd edib.

AzadlıqRadiosunun hadisə yerində olan əməkdaşının verdiyi məlumata görə, qadının bu cəhdinin qarşısı alınıb. Qadının kimliyi dəqiqləşdirilir.

Bundan başqa, Prezident Administrasiyasına vətəndaşların qəbul saatında gələn şikayətçilərlə polis arasında qarışıqlıq yaşanıb. Qəbula gələnlər şikayətlərini lazımi ünvana çatdıra bilmədiklərini bildiriblər.

Özünü yandırmaq istəyən qadın da hərəkətini qarşılaşdığı haqsızlıq və dövlət qurumlarının onu qəbul etməməsi ilə izah edib. Bildirib ki, oğlu barəsində məhkəmə ədalətsiz qərar çıxarıb, şikayəti də bu barədədir.

Onun özünü yandırmasının qarşısı alınandan sonra huşunu itirib. Ona və səhhətində problem yaranan daha bir qadına tibbi yardım göstərilməsi üçün olay yerinə təcili tibbi yardım əməkdaşları çağırılıb.

Jurnalistlərin olayı lentə almasına da imkan verilməyib.

Təxminən 100-ə yaxın şikayətçi Prezident Administrasiyasının binası önünə fərdi qaydada, hərə öz şikayəti ilə bağlı gəlib.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button