Siyasət

İlham Əliyev danışıqları Sarkisyanla aparmaq istəyir

İlham Əliyev danışıqları Sarkisyanla aparmaq istəyir
Bu günlərdə Ermənistan prezidenti Armen Sarkisyan böyük beynəlxalq turnedə olub: ad gününü doğma Britaniyada qeyd edib ki, burada onun kral ailəsi ilə görüşləri planlaşdırılırdı.

Virtualaz.org “tert.am” portalına istinadən xəbər verir ki, Britaniyadan sonra Ermənistan dövlətinin başçısı Fransaya və ABŞ-a yollanacaq.

Armen Sarkisyanın yaxın ətrafına istinadla mənbə qeyd edir ki, xarici turnedə məqsəd Ermənistana investisiyaların cəlb edilməsidir.

Tezliklə həmin məqsədlə onun Rusiyaya səfəri də nəzərdə tutulur.

Bəzi məlumatlara əsasən, prezident İlham Əliyev və Armen Sarkisyan keçmişdə təsadüfən bir yerdə dincəldikləri məkanda ünsiyyətdə olmağa imkan tapıblar.

“İstisna edilmir ki, Əliyev Rusiyaya məhz A.Sarkisyanla danışıqlar aparmağa hazır olduğunu bildirib və ola bilsin ki, Minsk Qrupunun həmsədr ölkələri də buna etiraz etməyəcəklər”, – tert.am-ın mənbəyi vurğulayır.

Armen Sarkisyan 2001-2013-cü illərdə Azərbaycanla sıx əlaqələri olan “British Petroleum” beynəlxalq şirkətində müşavir vəzifəsində çalışıb.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button