Siyasət

Ukrayna hadisələri İsgəndər Həmidovun planlarını necə pozdu…

Ukrayna hadisələri İsgəndər Həmidovun planlarını necə pozdu...“Partiyamızın qurultayının gecikməsinin bir səbəbi var idi: Ukraynada baş verən hadisələr…”.

Bunu modern.az-a Milliyyətçi Demokrat Partiyasının (“Boz Qurd”) qurultaya hazırlıq üzrə Təşkilat komitəsinin sədri, sabiq daxili işlər naziri İsgəndər Həmidov deyib.

Onun sözlərinə görə, artıq qurultayın keçirilməsində heç bir problem yoxdur.

“Ukraynada cərəyan edən proseslər bizim qurultay işimizi çox ləngitdi. Çünki ortada böyük rus təhlükəsi var idi. Rusiyanın hansı istiqamətdə, hansı dövlətə tərəf nə edəcəyini bilmirdik. İndi isə hər şey aydındır. Allah qoysa, partiyanın qurultayı sentyabr, oktyabr ayında keçiriləcək”.

“Ukraynadakı hadisələr qurultayınıza mane olduğu halda, payızda keçiriləcək parlament seçkiləri qurultayın işinə mane olmayacaq” sualına İsgəndər Həmidov belə cavab verib: “Xeyr, Ukraynada baş verən hadisələrlə ölkədə keçiriləcək parlament seçkiləri arasında böyük fərq var. Ukraynada proseslər qanlı-qadalı hadisələrlə zəngindir. Azərbaycanda isə sülh şəraitində seçkilər keçiriləcək. Bizim müxalifətin bir hissəsi hakimiyyətlə dialoqdadır. Ona görə də bizim qurultayın parlament seçkilərinə və yaxud da parlament seçkilərinin bizim işimizə heç bir maneçiliyi yoxdur”.

Qeyd edək ki, Milliyyətçi Demokrat Partiyası ötən ilin oktyabr ayında qurultay keçirməli idi.

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir.

Back to top button