Siyasət

Ermənistan Türkiyə ilə münasibətlər qurmaq üçün Rusiyanı vasitəçi seçdi

Yerevan Ankara ilə münasibətlərinin normallaşdşıırlmasında Moskvadan vasitəçilik etməsini xahiş edib.Bu barədə Azadlıq Radiosunun erməni xidmətinə Ermənistan XİN-in mətbuat katibi Vaan Unanyan deyib. Onun sözlərinə görə, Rusiya da daxil olmaqla bir neçə ölkə Ermənistanla Türkiyə arasında münasibətlərin normallaşdırılması prosesində vasitəşiliyini təklif edib, Yerevan bu məqsədlə Moskvanı seçib.

“Rusiya da daxil olmaqla, bir neçə beynəlxalq partnyorlar Ermənistan-Türkiyə münasibətlərinin normallaşdırılması prosesinə dəstək verməyə hazır olduğunu bildirib. Biz Rusiyaya bildirmişik ki, heç bir ön şərtlər olmadan Ermənistan-Türkiyə münasibətlərinin normallaşdırılmasına hazırıq. Əgər və nə vaxtsa bu barədə danışqılar olsa, məlumat verəcəyik, – Unanyan bildirib.

Bildirilir ki,  İkinci Qarabağ Müharibəsindən sonra, avqust ayından başlayaraq Ermənistanın baş naziri və Türkiyə prezidenti digər tərəfdən müsbət siqnallar aldıqlarına dair bəyanatlar veriblər. Ötən sentyabrda hətta Rəcəb Tayyib Ərdoğan bildimişdi ki, baş nazir Nikol Paşinyan ona Gürcüstanın baş naziri vasitəsilə görüşmək istədiyini çatdırıb. Lakin Ərdoğan demişdi ki, belə bir görüşün baş tutması üçün Yerevan “Zəngəzur dəhlizinin” açılması istiqamətində addımlar atmalıdır. Yerevan cavab olaraq bildirmişdi ki, “dəhliz məntiqi” Ermənistan üçün qeyri-məqbuldur, amma Yerevan Ankara ilə təmaslara hazırdır.

Ermənistan XİN mətbuat katibinin sözlərinə görə o vaxtdan bəri Ankara və Yerevan arasında birbaşa danışıqlar olmayıb.

Qeyd edək ki, Ermənistanın Türkiyə ilə münasibətlər qurmasında ABŞ da öz vasitəçiliyini təklif edib.

Loading...
reklam...

Bənzər Yazılar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Back to top button